Neotech — ТМД мен Еуропадағы ең ірі аударма компаниясы және лингвистикалық қызметтер саласындағы көшбасшылардың бірі. Біз жаһандық корпорациялар үшін жасалатын кәсіби аудармаға маманданамыз. Ал біздің негізгі салаларымыз — мұнай-газ бен автомобиль өнеркәсібі, медицина, ақпараттық технологиялар және телекоммуникация.

Neotech компаниясы Қазақстанда өз қызметін 2005 жылы бастады. Осы уақыт ішінде кәсіпқойлар командасы инновациялық технологиялар мен Translation Memory (Trados және MemSource) жүйелерін пайдалану арқылы көрсетілетін қызметтер сапасын жақсартты. Neotech Қазақстанда және шетелде осы бағдарламаны қолдану бойынша жалпыға танылған Біліктілік орталығы болып табылады.

Компанияның негізгі бағыттары — ауызша және жазбаша аударма, веб-сайттар мен аудиовизуалды өнімдерді локализациялау, бұған қоса аударманы куәландыру және құжаттарды заңдастыру түрлері, тапсырыс берушінің ішкі бизнес-процестеріне аударма жасауға қатысты лингвистикалық кеңес беру және аудит жүргізу.

Сапа менеджментіне ендірілген жүйенің халықаралық ISO 9001:2000 стандартына және аударма қызметтерінің бірыңғай халықаралық ISO 17100:2015 сапа стандартына сәйкестігі бойынша сертификаттаудан өткеніміз — көрсететін қызметтеріміздің жоғары сапасының кепілі. Neotech компаниясы Globalization and Localization Association халықаралық қауымдастығына да мүше болып табылады.

Осы таңда компаниямыз экономиканың түрлі саласындағы ірі кәсіпорындар мен ұйымдар үшін мыңдаған сәтті жобаларды жүзеге асырып, 500 мың беттен астам аударма жасады. Neotech инновациялық технологияларды үнемі жаңартып пайдалану арқылы лингвистикалық қызметтердің сапасын үздіксіз жетілдіреді.